زماني شما لعب بيه ولهتم
والراده علي يسري ولهتم
بروحي شماتغيرتواولهتم
لان حبكم دوه لكل مرض بيه
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
عونــه اليلاكي هواه والدرب خالي
يشبك العشره اعليه والعتب تالي
لـــــــــــــو ما اكولن اه تستر عليه
جا شفت تطلع نار حتـــه من اديه
اذا انت طبيب اسمع وصــــــف داي
شخص صاير سبب حزني وصفداي
صفن ساعة علية وكام وصــف داي
دواج ابذني اديج ومو بدية
باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية
الأربعاء سبتمبر 18, 2013 2:43 am